શ્રી કાશીરામભાઈ રાણાનો જન્મ ૭મી એપ્રિલ ૧૯૬૮ ના રોજ એક સામન્ય પરિવારના રાણા કુટુંબમાં થયો. મહેનતુ સ્વભાવ, કંઈક નવું કરવાની તમન્ના હોય ત્યારે જ્ઞાતિ કે સામાન્ય સ્થિતિ નડતરરૂપ બનતી નથી. 'પરિશ્રમ એ જ પારસમણી', આત્મવિશ્વાસ અને પરિશ્રમથી છલકતા શ્રી કાશીરામભાઈનું બાળપણ દુઃખ ભરેલ સ્થિતિમાં વીત્યું. ઘરની આર્થિક સ્થિતિમાં મદદરૂપ બનવા તાણિયાના કારખાનામાં કામ કર્યુ. કહેવાય છે કે કઠોર પરિશ્રમનો કોઈ વિકલ્પ નથી. તેમ કારખાનામાં કામ કરતાં કરતા એલ.એલ.બી. સુધીનો અભ્યાસ કર્યો. પંડિત શ્રી દીનદયાળ ઉપાધ્યાયના વકતવ્યથી અંજાઈને જનસંઘમાં જોડાયા અને પોતાની ઊંડી સૂઝ, ધગશ કર્તવ્ય નિષ્ઠાથી રાજકારણમાં ઊંડે ઊંડે ખૂંપી ગયા.

એલ.પી.યુ.ના પ્રતિનિધિ મંડળના સભ્ય તરીકે ચીલીની મુલાકાત કોમન વેલ્થ કોન્ફરન્સના સંસદીય પ્રતિનિધિમંડળ સાથે કોલાલમ્પુરની મુલાકાત. લોક્સભાના માનનીય અધ્યક્ષના નેતૃત્વમાં ભારતીય પ્રતિનિધિમંડળના સભ્ય તરીકે પશ્ચિમ જર્મની તથા ક્રોએશિઆની મુલાકાત જયુટ અને ગારમેન્ટ ઇન્ડસ્ટ્રીઝમાં નિકાસની સંભાવનાઓની ઉતેજન માટે મધ્ય પુર્વના દેશો (કતાર, અબુધાબી,દુબઇ) આફ્રીકન દેશો (ઇજીપ્ત, ઘાના, આઇવરી કોસ્ટ,અકારા) યુરોપીયન દેશો (ફ્રાન્સ, ઇટાલી, સ્વીટઝર્લેન્ડ)ની મુલાકાત લીધી.